(baxma: tamplier cəngavərləri), (baxma: tamplierlər)
ingiliscə templars, fransızcada tampliers olaraq adlandırılır. günümüz masonlarından belə daha güclü və geniş "təşkilat"lardan birisi.
əsas olaraq xristian bir dini orqanizasiya kimi ortaya çıxmışlardır. qurulduqları ilk vaxtlar olduqca bəsit məqsədə xidmət edirdilər, amma zamanla bəzi mistik yanlarının ortaya çıxmasına dair dəlillər vardır. yenə də onların okkultist quruluşların arasında sayılıb sayılmadığı mübahisəlidir.
hər mistik təriqət kimi templarların da bir çox sirləri vardı. onların çalışmaları və təməl fəlsəfələri günümüzdə belə çox bilinmir. ezoterik olaraq doğru-düzgün heç bir bilgi gəlib çıxmayıb. təriqətə qəbul edilən günümüzdəki masonlar qəbuletmə mərasimi kimi inisiasiya edilirdi. qəbul olmaq istəyən şəxs, əvvəlcə sınaqlardan keçirilirdi. bu sınaqların da 4 elementə dair bəzi bilgilər olduğu deyilir. bu bucaqdan baxanda onların əslində simya/ əl-kimya ilə məşğul olduqları da düşünülə bilər. həmçinin sınaqdan keçə bilən şəxsin moral dəyərləri* ortaq əxlaq ölçüsü, davranış kimi faktorlar sorğulanırdı. sınaqların hamısını keçə bilən namizədi gecə 12 süvari(ya da cəngavər) gözləməkdəydi. çöldə gözləyən adama nə üçün qapıya gəldiyini 3 dəfə soruşub, cavab qəbul edilərsə onu içəri buraxırdılar. inisiasiya isə tamam ayrı bir ayinlə olmaqdaydı.
ələlxüsus, isa peyğəmbər haqqındakı görüşləri isə normal xristianlıqdan bir az fərqlənirdi.
1099-cu ildə xaç yürüşləri ilə əsas məqsədlərinə çatmış, qüds və fələstindəki xristianlıq üçün müqəddəs sayılan yerlər ələ keçirilmişdi. ama xaçlılar bir bölgəni ələ keçirməklə orada təhlükəsiz şəkildə mövcudluğunu sürdürüb, yaşaya bilmənin eyni şey olmadığını başa düşmüşdülər. çevrədəki müsəlman güclər davamlı olaraq onlara axınlar edib, hücumlar çəkir, əsas da 1079-cu ildə malazgirddə qələbə qazanan səlcuq türkləri bu əraziləri yaşamaq üçün olduqca güvənsiz hala gətirirdilər. bölgəyə xristian "hacı"larının gəlməsi və bütün digər ünsürlər daha güclü şəkildə qorunma gərəkdirməyə başlamışdı.
Bölgədə təhlükəsizliyin və zəvvarların təhlükəsiz səyahətinin təmin edilməsi üçün 1119-cu ildə Fransada Şampan bölgəsində, Hugues de Paynsın rəhbərliyi altında, doqquz Cəngavər yığılır. Bunlar Hugues de Payns, Payen de Montdidier, Geoffroy de Saint-Omer, André de Mantbard, Geoffroy Bisol, Hughes Rigaud, Rossal, Archambaud de Saint-Aignan və Gondemare olur. bu toplantıda müqəddəs torpaqlara gedən zəvvarların qorunması üçün order qurulması qərarlaşdırılır və orderin ilk adı isanın kasıb əsgərləri idi. qərar qəbul edilib, cəngavərlər yola çıxdıqdan sonra qüdsə çatanda oradakı kral ii baudouin tərəfindən məmnuniyyətlə qarşılanmışdılar. bir müddət sonra ii baudouin sahib olduğu, adına süleymanın məbədi adı verilər məbədi, bu cəngavərlərə verir. beləliklə orderin adı dəyişilib tamplier cəngavərlərinə çevrilir.
sonraki illərdə orderin müridləri olduqca artmağa başladı. dünyada ün, axirəttə cənnəti qazanmaq istəyən hər bir cəngavər onlara qatıldı. özəlliklə haifa limanı və qüds arasındakı zəvvar yolu, tamplierlərin nəzarəti altındaydı.
keçən zaman və artan saylarla ilk tamplierlər müəyyən etdikləri xristian müqəddəslərindən alınma qaydalarını da dəyişib, öz Tamplier qaydalarını təyin etməyə başladılar. 13 yanvar 1128-ci ildə Papa II Honorius təşkilatı dini təşkilat kimi tanımış və onun qaydalarını cızmışdır* papaların o dövrdə bu kimi ordenləri tanıyıb, onların hərəsinə uyğun "konstitusiya" hazırlaması normal hal idi . Latın dilində olan bu qaydalar “ Latın qaydaları” adlanırdı. 12 il sonra çox fərqli bir " Fransız qaydaları” qəbul edilmişdir.
tamplierlər həm savaşçı cəngavərlər həm də dini keşişlər kimi öz qaydalarını özlərinə uyğulayırdılar. həmçinin özlərini digərlərindən fərqləndirmək üçün ağ paltarda dolaşırdılar. bunun da ən gözəçarpan xüsusiyyəti ağ paltar üstündəki qırmızı xaç idi.
13-cü yüzillikdə avropanın bir çox yerində fəaldılar. fələstində isə 3 mərkəzə ayrılmış olaraq demək olar ki, hər şeyə hakim idilər. bu dönəmdə onlara aid 3468 qəsr olduğu deyilir. həm əsgər, həm də din adamı olduqları üçün qadınlarla maraqlanmaz, vaxtlarının çoxunu ibadətlə keçirərdilər.
tamplierlərin möhürlərində eyni ata minmiş arxa-arxaya iki adam vardı.
bu simvol dəyişik formalarda şərh edilir. bəziləri bir-birini qoruyan iki cəngavər kimi görsə də, bəziləri ilk illərdə tamplierlərin çox kasıb bir orden olmasını vurğuladığını düşünür. simvolun "mübarizə ikitərəflidir, göy üzündə və yer üzündə" şəklində olan tamplier missiyasının maddi və mənəvi olaraq iki yönünü təmsil etdiyi də deyilir. bunun yanında, ipin qırıldığı yer, tamplierlərin qadınlarla maraqlanmamalarına, özəlliklə bir ata arxa-arxaya minmiş olan iki döyüşçüdən ibarət simvollarına qarşı, bir də ezoterik məqsədi olduğunu ifadə edənlər vardır. bir çox qaynaqda da yenə, tamplierlər arasında uzun savaşlar dönəmində homoseksual münasibətlər olduğunu irəli sürülür.
Tamplierlər müəyyən imtiyazlara malik və eyni zamanda etibarlı olduğundan, onlar müqəddəs torpağa gedən səlibçilərin pulunu da daşımaq üçün götürürdülər. həm yeni daxil olanlardan əldə etdikləri gəlirlə, həm də
ordenə olunan ianələr hesabına zənginləşmişdilər. Bundan başqa şayiələrə görə, onlar ətrafdakı müsəlmanlardan da pul alırmışlar. Bu arada, Yaxın Şərqdə və iberiyada bir çox müharibələrdə iştirak edib uğur qazandılar. Nəticədə səlib yürüşləri və xristian krallıqları dövründə güclərinin zirvəsinə çatmışdılar.
1291-ci ildə xristianlar bütün müqəddəs torpaqları itirdilər və Tamplierin qalan cəngavərləri Fransada yenidən qayıtmışdılar. lakin onların bütün imtiyazları davam etdiyi kimi, sərvətləri də davam edir, günü-gündən artırdı.
ierarxiya baxımından yalnız papalıq onlardan yuxarıda idi. Cəngavərlərin hər biri öz ölkələrində ən böyük mülklərə sahibdilər. Onlar vergi ödəmirdilər və çox vaxt öz ərazilərindəki kraldan daha varlı idilər.
deyilənə görə, məhz bu dövrdə Qara magiya və müqəddəsliyə hörmətsizlik rituallarına başladılar. Xalq onların müqəddəs torpaqları itirməyini tənqid etməyə başlamışdı. bu şayiələr hətta tamplierlərin şeytanla anlaşma etməsi və sırf buna görə müqəddəs topraqların itirilmiş olduğunu iddia edərmişcəsinə qatı idi.
daha bir qırılma nöqtəsi kral iv filip onları 1305-ci ildə yeni papalığa başlayan v clement vasitəsilə intriqalara sürükləməsilə oldu.
tamplier böyük ustadı jacques de molay və digər bütün tamplier liderləri parisə dəvət edildilər. de molay və digərləri tutuldu. eyni anda ölkənin hər tərəfindəki tamplierləri yaxalamağa başlamışdılar. uzun bir cinayət siyahısı ilə günahlandırıldılar. bunların içində anormal cinsi münasibətlər, bütpərəstlik, hətta isanı inkar da vardı. gizli inisiasiya ayinlərində xaç aşağılanır, ayaqlar altında əzilir, və isa inkar edilirdi.
cəngavərlər həmçinin, pedofiliya, insest və digər hər cür sapqınlıqla da ittiham edilirdilər. filipin əmri ilə bu günahlar papaya diktə etdirildi. bununla da qalmayan filip qonşu ölkələrlə də əlaqəyə keçərək tamplierlərin günahlarını və işgəncə altındakı etiraflarını yaydı. italiyada bütün tamplierlər məhkum olundular. almaniyada illeqal elan edildilər, ingiltərədə orden qan tökülmədən dağıldı, ispaniya və portuqaliyada həbs edilənlər oldu, orden dağıdıldı, lakin qısa müddət sonra həbslər dayandı, orden yeni adla(baxma: The Military Order of Chris) fəaliyyətinə davam etməyə başladı. bu orden 1910-cu ilə qədər davam etmişdi.
Jaques de Molay və digər böyük liderlər 1313-cü ildə dirəyə oturdularaq yandırıldılar. Onlar son ana qədər bütün ittihamları rədd etmişdilər. qara magiyaya keçid etdiklərini də qəbul etmədilər, lakin sübut tapılmışdı. məbədlərində bir bafomet heykəli vardı. https://imgur.com/u2oVbqK
bu heykəl həqiqətən mi vardı, yoxsa qəsdən mi qoyulmuşdu, burası bir az şübhəlidir. nəticə nə olursa olsun, bafomet(ya da baphomet - məhəmməd adından törəmiş olduğu deyilir) şeytanın özgün adlarından biri olaraq bu hadisədən sonra satanist terminologiyada öz yerini almışdır. buna görə bafometin də qaynağı tamplierlər hesab olunur.
Onların süqutu güc və sərvətə olan susuzluqlarından idi. Hər şeyə rəğmən haqsız yerə ittiham olunmalarına baxmayaraq, bəziləri qara magiyaya azmış olsa belə, əksəriyyətin günahsız olduğu açıqca ortadadır.
Tamplierlərin müsəlmanlardan da pul alması haqqında şayiələr fırlanırdı. ən çox içli-dışlı olduqları təriqət də deyilənə görə xaşxaşilər idi.
tamplierlər hal-hazırda da varlıqlarını sürdürürlər və masonlar onlara sahib çıxmaqdadır.
the catholic encyclopedia
La Messe Noire
vikipedia
An Encyclopedia of Occultism: Lewis Spence